«Бакчада фитнес белән шөгыльләнү – иртән иелдең, кичен тураеп бастың»

● ● ● – Без – атлар, – ди ат ишәккә, – йорт хайваннары арасында иң игелекле кавем. Без кешеләрнең хезмәтен җиңеләйтәбез, ял сәгатьләрендә тормышларын бизибез.

– Бәлки, шулайдыр да, – дип җавап бирә ишәк. – Әмма вакыт узу белән сезне машиналар кысрыклап чыгарачак, һәм сезне искә генә алачаклар. Ә менә ишәкләрнең мәңге бетәсе юк.

● ● ● Табиб авыруны җентекләп караганнан соң әйтеп куя:

– Сезгә үзегезне бик сакларга кирәк. Эчмәскә, тартмаска, артык дулкынланмаска.

– Хатынымны кочакларга ярыймы соң?

– Иң соңгы очракта гына. Анда да тик үз хатыныңны.

● ● ● Ир кеше аракы сатып ала. Шешәсенең башына пакет белән чикләвек беркетелгән.

– Чикләвеге ни өчен?

– Анысы – «белочка»дан котылу өчен.

● ● ●

– Сез өйләнгәнме?

– Аерылышкан.

– Нык аерылыштыгызмы?

– Трусикны калдырдылар…

● ● ●

– Кем анда эт кебек улый?

– Бу » мин, әни.

– Ә-ә, синмени... Җырла, җырла, сандугачым.

● ● ●

Профессор студентка әйтә:

– Котлыйм! Сез әле генә «бишле»гә испан теленнән имтихан бирдегез, ләкин без француз телен өйрәнгән идек.

– Гафу итегез инде, профессор, кичә төнлә киштәдән ялгыш икенче китапны алганмын.

● ● ●

Кечкенә кызы – әтисенә:

– Акырма миңа, мин синең хатының түгел!

● ● ●

Берәү операция ясатырга җыена. Танышы моңа киңәшләр бирә.

– Болай ит: санитарларга 100 тәңкә бирерсең, хирургка – 2000, анестезиологка – 5000.

– Син нәрсә, акылдан яздыңмы әллә? Анестезиолог берни дә эшләми бит ул. 5 мең бары тик йоклаткан өчен?! Кычкыртып талыйлар түгелме!

– Юк шул, дустым, йоклатыр өчен 100 тәңкә дә җитә, ә менә калган 4900ы – анысы уяту өчен!

● ● ●

– Языгыз: «Мин, ачык акылым һәм чын хәтеремдә, үземнең фатирымны бүләк итәргә телим...»

– Гафу итегез, бу – дөрестән дә тоталь диктантмы?

● ● ●

– Нәрсә белән эшләячәк киләчәктә экологик транспорт?

– Су һәм үлән белән.

– Ничек эшли инде ул техника?

– Арбага алашаны җигәсең дә…

● ● ●

– Сиңа күп акча, уңышлы элемтәләр һәм олы хөрмәт телим.

– Әйе, алар минем болай да җитәрлек.

– Алайса, калган көннәреңне иректә үткәрүеңне телим.

● ● ●

Бер ир, күпмедер вакыт узгач, сатып алган бензопычкысыннан зарланып, кабат кибеткә килә:

– Инструкциясендә болай дип язылган, «көненә 5 кубометр утын кисәргә була» дип, ә мин, ни хәтле тырышсам да, 3тән артмый.

Сатучы:

– Карыйк әле.

Һәм бензопычкыны кабызып җибәрә.

Ир:

– Карале! Ничек алай гөжләп эшли башлады әле ул?

● ● ●

Сырхауханәгә агуланган карчыкны алып киләләр. Ашказанын юдыралар, капельница куялар. Янына доктор килә:

– Сезне бит инде үткән атнада бер китергәннәр иде гөмбә белән агулангач. Бу юлы нәрсә булды?

– Соң, җаным, шуларны ашап бетергән идем!

● ● ●

– Бизнеста шундый уңышка ничек ирештегез?

– Аңлыйсызмы, акчада түгел эш, социаль бәхет тә зур роль уйнамый, тормыштагы уңышлар да этәргеч ясамый, иң әһәмиятлесе – эшеңә тулысынча бирелү, предприятиеңә, әле бигүк акча китермәсә дә, бөтен көчеңне биреп эшләү. Бары тик күмәк көчнең файдасы булуына инану!

– Менә шул хыял сезне уңышка китердеме?

– Юк, мин аның шулай булачагын хезмәткәрләремә сеңдердем.

● ● ●

Хатын-кыз белән бәхәсләшү – ул шуңа тиң лицензион килешү укыгандай. Барыбер ахырдан бернәрсә дә аңламый башлыйсың һәм бирешәсең: «Мин риза», – дип…

● ● ●

Табиб – авыруга:

– Хәзер сезнең авырлыгыгыз нинди?

– Җитмеш.

– Ә иң нык авыр чагыгыз?

– Сиксән.

– Ә иң җиңел вакытыгыз?

– Өч кило да өч йөз грамм.

● ● ●

– Чибәркәй, икенче тукталышта чыгасызмы?

– Миңа алай карамагыз, сезнең белән танышырга уйламыйм. Мин икенче тукталышта чыгарга гына телим.

– Юк инде. Таныштык бит. Чыгабыз. Икенче тукталыш бик урынлы – ЗАГС. Паспортың үзең беләнме?

Түтәл өстендәге шаяртулар

● Элек әни мине генә ярата дип уйлый идем, ә соңрак аның бакчада үскән помидорларга ничек караганын күрдем.

● Африкадагы ачлыкны җиңүнең иң үтемле ысулы – мохтаҗларга әти-әни бакчасында үскән кабакларны җибәрү.

● Тырмага басарга була, сәнәккә кадалырга мөмкин, бары тик көрәк кенә беркайчан да зыян китермәс.

● Бакчада фитнес белән шөгыльләнү – иртән иелдең, кичен тураеп бастың.

● Бакчадагы бәдрәфнең тәрәзәсен йөрәк формасында кисү өчен мәхәббәттән ни дәрәҗәдә гайрәтең чигәргә тиеш?!

● Иске әйберләрнең гадәти юлы: кладовка – балкон – дача.